Bakı Ali Neft Məktəbində (BANM) SPE Azərbaycan Bölməsinin təşkilatçılığı ilə SPE “PetroBowl” çempionatının Rusiya və Xəzər regional seçmə mərhələsi keçirilib.

BANM-dən TƏHSİL.BİZ -ə bildirilib ki, nüfuzlu akademik yarışma Rusiya və Xəzər regionunu təmsil edən yeddi universitet komandasını bir araya gətirib: Atırau Neft Təhsili Mərkəzi, Azərbaycan Dövlət Neft və Sənaye Universiteti, Bakı Ali Neft Məktəbi, Qazaxıstan -Britaniya Texniki Universiteti, Satbayev Universiteti, Tümen Sənaye Universiteti və Tümen Universiteti.

Seçmə mərhələlərin qalibləri bu il ABŞ-ın Hyuston şəhərində keçiriləcək SPE İllik Texniki Konfrans və Sərgisində (ATCE) iştirak imkanı əldə edirlər.