Cəlilabad rayonunda alban dövrünə aid tarixi və maddi mədəniyyət nümunəsi aşkar edilib.

Tehsil.biz-in "Report"un Muğan bürosuna istinadən məlumatına görə, tarixi nümunə rayon sakini, 9-cu sinif şagirdi İlham Mirələmov tərəfindən Şatırlı kəndi ərazisində tapılıb.

Yerli tarixçi Elşad Əmənov "Report"un Muğan bürosuna bildirib ki, 2000-2200 əvvələ aid tapıntının üzərində alban xaçının işarəsi var: "Bu forma Alban xaçının ilkin formasıdır. İşarənin tapıldığı ərazi qədim türk yaşayış ərazisidir".

Tarixçi vurğulayıb ki, bu, Qərbi Azərbaycan ərazilərində olan xaç simvollarını özəlləşdirən erməni saxtakarlarına təkzibolunmaz faktdır. Onun sözlərinə görə, tapılmış tarixi nümunələr Cəlilabad Tarix-Diyarşünaslıq Muzeyinə təhvil veriləcək.

"Ən qədim işarələr sırasında svastika və xaç simvolları xüsusi diqqət mərkəzindədir. Hər iki simvol saxsı qab nümunələri üzərində olmaqla Cəlilabad ərazisindən tapılıb. Hansı ki, həmin ərazi qədim tük yaşayış məskənidir. Kifayət qədər maddi sübutlar var", - tarixçi əlavə edib.