Elm və təhsil naziri Emin Əmrullayev son zamanlar Naxçıvan Müəllimlər İnstitutunun fəaliyyətinin dayandırılması ilə bağlı yayılan məlumatlara münasibət bildirib.

TƏHSİL.BİZ xəbər verir ki, Naxçıvanda səfərdə olan elm və təhsil naziri jurnalistlərə açıqlamasında hazırda bu istiqamətdə hər hansı qərarın mövcud olmadığını bildirib. 

Onun sözlərinə görə, Azərbaycandakı mövcud qaydalara əsasən, Naxçıvan Dövlət Universiteti və Naxçıvan Müəllimlər İnstitutu ali təhsil müəssisələri kimi fəaliyyətlərini davam etdirirlər.