Logo

Professor Mahirə Hüseynova Turan Elmlər Akademiyasının akademiki seçilib

12.06.2024 21:08 143 baxış
IMG

Azərbaycan Dövlət Pedaqoji Universitetinin (ADPU) beynəlxalq əlaqələr üzrə prorektoru professor Mahirə Hüseynova Turan Elmlər Akademiyasının akademiki seçilib.

ADPU-dan "Tehsil.biz"ə bildirilib ki, universitetdə təşkil olunan görüş zamanı AMEA-nın Nizami Gəncəvi adına Ədəbiyyat İnstitutunun Mətbuat tarixi və publisistika şöbəsinin müdiri professor Vüqar Əhməd professor Mahirə Hüseynovanın monoqrafiyalarının, dərs vəsaitlərinin Turan Elmlər Akademiyasının bütün üzvləri tərəfindən təqdir olunduğunu və yekdilliklə ona səs verildiyini bildirib.

Professor Vüqar Əhməd Turan Elmlər Akademiyasının prezidenti, Leybniz adına Avropa Təbiət Elmləri Akademiyasının həqiqi üzvü (Almaniya) Xaydarberk Bababekovun professor Mahirə Hüseynovaya ünvanladığı təbrik məktubunu da səsləndirib.

Professor Mahirə Hüseynova göstərilən etimada görə Turan Elmlər Akademiyasının prezidentinə və bütün üzvlərinə təşəkkürünü bildirib, Azərbaycan-Özbəkistan dostluq münasibətlərinin inkişafının vacibliyini qeyd edib.

Xəbər lenti