Logo

BDU-nun 10 komandasının 14 layihəsi “TEKNOFEST-2024”ün yarımfinalında

11.06.2024 16:20 148 baxış
IMG

Oktyabrın 2-6-da Türkiyənin Adana şəhərində “TEKNOFEST-2024” aerokosmik və texnologiya festivalı keçiriləcək. Festivalda komandalar 46 əsas və 117 alt kateqoriya üzrə yarışacaqlar.

Bu barədə "Tehsil.biz"ə Bakı Dövlət Universitetindən bildirilib.

Universitetin 10 komandası tərəfindən təqdim olunmuş 14 layihə festivalın yarımfinal mərhələsinə vəsiqə qazanıb. BDU komandalarının layihələri “Ağıllı nəqliyyat texnologiyaları”, “Yaşıl texnologiyalar”, “Aqrar texnologiyalar”, “Tibdə süni intellektin tətbiqi”, “Sosial yönümlü texnologiyalar” və “Turizm texnologiyaları” kateqoriyalarına aiddir.

Yarımfinal mərhələsində komandalardan ətraflı hesabat sənədi hazırlamaları və layihənin onlayn təqdimatını etmələri tələb olunur. Bu mərhələni də uğurla keçən komandalar “TEKNOFEST-2024”ün final mərhələsinə vəsiqə qazanacaqlar.

Xəbər lenti