Logo

Azərbaycanlı və yapon incəsənət ustalarının iştirakı ilə konsert keçirilib - FOTO

10.06.2024 20:19 119 baxış
IMG

Tokio şəhərində Yaponiyada yaşayan azərbaycanlı və yapon incəsənət ustalarının iştirakı ilə konsert keçirilib.

Tehsil.biz xəbər verir ki, tədbirdə Diasporla İş üzrə Dövlət Komitəsinin sədri Fuad Muradov, Azərbaycanın Yaponiyadakı fövqəladə və səlahiyyətli səfiri Gursel İsmayılzadə, Azərbaycan icmasının üzvləri və yerli ictimaiyyətin nümayəndələri iştirak ediblər.

Proqram zamanı azərbaycanlı rəqqasələr Minarə Şükürova və Dilarə Qazıyevanın, yaponiyalı sənətçilər Yamomoto Kyokonun və Tayqanın, eləcə də “Otantik Bunka” və “Kelebek” qruplarının ifasında Azərbaycan mahnı və rəqsləri təqdim olunub.

Azərbaycanlı və yapon rəqqasələrin ifaları tamaşaçıların alqışları ilə qarşılanıb.

​​​​​

Xəbər lenti