Vyetnamda beş yaşlı uşaqlar Təhsil Nazirliyinin yeni qaydalarına əsasən, bu il sentyabrın 1-dən dövlət məktəblərində təhsil ödənişlərindən azad ediləcək.
Tehsil.biz xəbər verir ki, bu barədə Vyetnam xəbər agentliyi məlumat yayıb.
Bildirilib ki, əvvəllər yalnız etnik icmaların, dağlıq, sahilyanı və ada ərazilərində yaşayan ailələrin beş yaşlı uşaqları pulsuz təhsil almaq hüququna malik idi. Yeni qaydalara əsasən, ödənişdən azad edilən digər qruplara əlil və kimsəsiz tələbələr də daxildir.
Benefisiarlar, həmçinin ölkənin hədəflərinə uyğun olaraq vərəm, cüzam, psixiatriya və patoloji ixtisasları üzrə təhsil alan tələbələrlə yanaşı, xalqa böyük töhfələr vermiş ailələrin uşaqları və etnik tələbələri də əhatə edir.
