Diasporla İş üzrə Dövlət Komitəsinin sədri Fuad Muradov Estoniyada fəaliyyət göstərən “Buta Art Studio” Azərbaycan Yaradıcılıq Mərkəzinin sədri, tanınmış rəssam Rövşən Nur (Quliyev) ilə görüşüb.
Komitədən "Tehsil.biz"ə bildirilib ki, görüşdə Ümummilli Lider Heydər Əliyevin Rövşən Nur tərəfindən çəkilmiş portreti Komitə sədrinə təqdim edilib.
Rövşən Nur gələcək fəaliyyəti ilə bağlı məlumat verib.
Qeyd edək ki, Diasporla İş üzrə Dövlət Komitəsi ilə sıx əməkdaşlıq edən tanınmış rəssam tez-tez Azərbaycanın mədəniyyəti və irsi ilə bağlı müxtəlif ölkələrdə sərgi və tədbirlər keçirir. İştirakçılar Azərbaycanın mədəniyyəti, incəsənəti və adət-ənənələri ilə yaxından tanış olurlar. Belə sərgilərdən biri də cari ilin aprel ayında Vaşinqtonda keçirilmiş “Azərbaycan naxışları”dır. Sərgidə Azərbaycanın zəngin mədəni irsini tərənnüm edən nümunələr yer alıb.
