Azərbaycan Texniki Universitetinin (AzTU) Mexatronika kafedrasının müdiri professor İftixar Çələbi Almaniyada səfərdə olub.

Tehsil.biz xəbər verir ki, səfər çərçivəsində İftixar Çələbi Drezden şəhərində keçirilən "DMK-2024" adlı texniki alman universitetlərinin təmsil olunduğu konfransda məruzə ilə çıxış edib.

Daha sonra İftixar Çələbi Hannover və Aaxen universitetlərinə səfər edib, bu universitetlərdə mütəxəssislərlə işgüzar görüşlər keçirib, mexatronika və robototexnika laboratoriyaları ilə tanış olub.