Logo

DİM və Dövlət Məşğulluq Agentliyi DOST TV-də birgə layihəyə başlayıb

17.05.2024 15:35 138 baxış
IMG

Dövlət İmtahan Mərkəzi (DİM) və Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi Nazirliyin internet televiziyası olan DOST TV-də yeni layihəyə başlayır.

Nazirliyin İctimaiyyətlə əlaqələr şöbəsindən "Tehdil.biz"ə verilən məlumata görə, layihə üzrə hər bazar ertəsi saat 15:00-da Dövlət İmtahan Mərkəzinin və Dövlət Məşğulluq Agentliyinin əməkdaşlarının iştirakı ilə DOST TV-nin efirində “Dövlət işi” verilişi yayımlanacaq.

Məqsəd “Azərbaycanda dövlət qulluğunun inkişafına dair 2019-2025-ci illər üzrə Strategiya”da nəzərdə tutulmuş müvafiq tədbirlərin icrasının təmin edilməsi məqsədilə dövlət qulluğu sahəsində vətəndaşların maarifləndirilməsinə dəstək verməkdir.

Verilişlərdə dövlət qulluğunun mahiyyəti, dövlət qulluğuna qəbul, qanunvericilik aktları, test imtahanı və müsahiblərin təşkili, dövlət qulluğunda qiymətləndirmə və insan kapitalının inkişafı, eləcə də dövlət qulluğuna qəbul barədə ətraflı məlumatlar veriləcək, müzakirələr aparılacaq.

Mayın 20-də saat 15:00-da DOST TV-də yayımlanacaq ilk “Dövlət işi” verilişinin qonağı Dövlət İmtahan Mərkəzinin Direktorlar Şurasının sədr müavini Bəhrəm Xəlilovdur.

Xəbər lenti