Logo

Avstriya-Azərbaycan Turizm Proqramı çərçivəsində tədris uğurla davam edir

01.03.2024 10:33 160 baxış
IMG

Azərbaycan Turizm və Menecment Universitetində (ATMU) Avstriya-Azərbaycan Turizm Proqramı (AATP) çərçivəsində əcnəbi müəllim-professor müəllim heyəti tərəfindən 2023/2024-cü tədris ilinin yaz semestr dərslərinə start verilib.

ATMU-dan "Tehsil.biz"ə bildirilib ki, universitetdə “Tədbirlərin idarəedilməsi” (Event Management) fənninin tədrisi həftəsində professor Rob Davidsonun təşəbbüsü ilə Bakı Konqres Mərkəzinə nəzərdə tutulan tanışlıq səfəri çərçivəsində tələbələr mərkəzin zalları, tədbirlərin təşkili, həmçinin karyera imkanları barədə ətraflı məlumat əldə ediblər.

Tədris həftəsində ATMU-da qonaq olan Bakı Konqres Mərkəzinin marketinq üzrə mütəxəssisi Jalə Salmanzadə AATP-da təhsil alan tələbələrin hazırlıq səviyyəsi ilə tanış olub, mülahizə və çıxışlarını dinləyib. Görüş əsnasında müvafiq ixtisasla bağlı uğur hekayəsindən bəhs edib.

Qeyd edək ki, AATP üzrə dərslər həm əcnəbi, həm də yerli professor-müəllim heyəti tərəfindən aparılır. 17 ildir ki, uğurla davam edən AATP çərçivəsində indiyədək 279 nəfər bakalavriat və 13 nəfər magistratura səviyyəsi üzrə ümumilikdə 292 nəfər ATMU tələbəsi iki diplom - ATMU və IMC Krems TEU-nun diplomlarını alıblar. Azərbaycan Turizm və Menecment Universitetinin tələbə-məzunları Azərbaycanın, o cümlədən bir sıra xarici ölkələrin turizm sənayesində peşəkar kadr adı qazanıblar.

Xəbər lenti