Xocalı soyqırımın 32-ci ildönümü əlaqədar Bursa şəhərində anım mərasimi təşkil olunub.

Bu barədə "Tehsil.biz"ə Diasporla İş üzrə Dövlət Komitəsindən bildirilib.

Mərasim Azərbaycan İnnovasiya və Həmrəylik Dərnəyinin və Bursa Uludağ Universiteti Azərbaycan Mədəniyyət və İncəsənət Birliyinin təşkilatçılığı ilə keçirilib.

Bursa Uludağ Universitetinin Mediko Meydanında Xocalı dəhşətlərini əks etdirən fotosərgi təşkil olunub, universitetin xarici tələbələrinə Xocalı soyqırımı barədə məlumat xarakterli broşürlər paylanıb.