Logo

Kosmik tullantılarla mübarizə aparmaq üçün yapon peyki orbitə buraxılıb

19.02.2024 09:49 157 baxış
IMG

Kosmik tullantılar haqqında məlumat toplamaq üçün nəzərdə tutulmuş yapon peyki uğurla orbitə buraxılıb. 

Tehsil.biz xəbər verir ki, bu barədə “Astroscale Japan developer” şirkəti məlumat yayıb.

ADRAS-J cihazı Yeni Zelandiyanın Mahia yarımadasında yerləşən özəl Rocket Lab kosmodromundan buraxılıb.

Hündürlüyü 1,2 metr, eni 80 santimetr olan peyk çoxlu kiçik mühərriklərlə təchiz olunub ki, bu da ona kosmosda manevr etməyə, zibil və dağıntılara mümkün qədər yaxınlaşmağa imkan verir. Xüsusilə, qurğunun köməyi ilə 2009-cu ildə buraxılmış Yaponiyanın H2A daşıyıcı raketinin hissələrinin tədqiqi, onların şəkillərinin çəkilməsi və Yerə məlumat ötürülməsi nəzərdə tutulur.

Şirkət bildirib ki, bu, kosmik dağıntılar haqqında məlumat toplamaq üçün dünyada ilk missiyadır. Müvəffəqiyyətli olarsa, şirkət müxtəlif ölkələrin hökumətləri və biznes qurumları ilə əməkdaşlıq etməklə yanaşı, Yerin orbitində zibillərin təmizlənməsi texnologiyasını inkişaf etdirməyə davam etmək niyyətindədir.

Xəbər lenti