Sumqayıt Dövlət Universitetinin nəzdində fəaliyyət göstərən Sumqayıt Dövlət Texniki Kollecinin ikimərtəbəli köməkçi binasının məcburi köçkünlər yaşayan hissəsində yanğın baş verib. FHN-in yanğınsöndürmə briqadası dərhal hadisə yerinə cəlb olunub.
Bu barədə "Tehsil.biz"ə Elm və Təhsil Nazirliyindən bildirilib.
"Elm və Təhsil Nazirliyinin aidiyyəti strukturunun əməkdaşları və kollecin rəhbərliyi hadisə yerinə gəliblər. Binanın yanğın baş verən hissəsində tələbələr yaşamırlar", - nazirliyin məlumatında qeyd olunub.
