Azərbaycan Respublikasının Baş Prokurorluğu ilə Dövlət İmtahan Mərkəzi arasında mövcud əməkdaşlıq çərçivəsində “Dövlət qulluğunda gender bərabərliyi” mövzusunda təlim təşkil olunub.

Tehsil.biz xəbər verir ki, Dövlət İmtahan Mərkəzinin əməkdaşı Miranə Rüstəmli tərəfindən gender bərabərliyi, karyera və gender stereotipləri, işəgötürmə zamanı gender balansı ilə bağlı nəzərə alınmalı əsas məqamlar, əmək fəaliyyəti prosesində gender rollarının, normalarının və münasibətlərinin idarə olunması, iş elanlarında diskriminasiya halları barədə iştirakçılara məlumat verilib.

Eyni zamanda, əməkdaşlarla müxtəlif qarşılıqlı fikir mübadiləsi həyata keçirilib.