Avropa Azərbaycan Məktəbi ( AAC) beynəlxalq olimpiadalarda növbəti uğurunu qazanıb.
"Tehsil.biz"in məlumatına görə, məktəbin şagirdləri Abu-Dabidə keçirilmiş olimpiadadan rekord sayda medalla geri dönüblər.
Olimpiadaya Avropa Azərbaycan Məktəbinin 23 şagirdi qatılıb. Onlar ümumilikdə 30-dan çox medal, sertifikat, eləcə də kubok qazanıblar.
Məktəblilər olimpiada çərçivəsində 5 fənn üzrə müxtəlif test tapşırıqları ediblər. Onlar iştirak etdikləri fərqli debatlarda komanda şəklində həmyaşıdlarından fərqlənməyi bacararaq, kubok əldə ediblər.
Qeyd edək ki, Avropa Azərbaycan Məktəbi mütəmadi olaraq şagirdlərinin yerli və beynəlxalq olimpiadalarda, elmi debatlarda iştirakını təmin edir.
