Bakı Dövlət Universitetinin (BDU) Ekologiya və torpaqşünaslıq fakültəsinin tələbələri IDEA İctimai Birliyi, Ekologiya və Təbii Sərvətlər Nazirliyi, Azərbaycan Gənclər Fondu, “Təmiz Şəhər” ASC və BMT İnkişaf Proqramının Azərbaycandakı nümayəndəliyinin tərəfdaşlığı ilə “Sahillər təmiz qalsın” şüarı altında keçirilən ənənəvi sahilyanı təmizlik aksiyasında iştirak ediblər.
Bu barədə "Tehsil.biz"ə BDU-dan bildirilib.
Şüvəlan çimərliyi ərazisində baş tutan aksiya zamanı əlcək və kisələr ilə təchiz olunmuş 100-dən çox fəal tələbə çimərlik ərazisini tullantılardan təmizləyib. Bu il ilk dəfə olaraq dalğıcların iştirakı ilə Xəzər dənizinin sahilyanı ərazisi ilə yanaşı, sualtı hissəsi də tullantılardan təmizlənib.
Günün sonunda toplanan tullantılar Balaxanı bərk məişət tullantılarının çeşidlənməsi zavoduna təhvil verilib.
