Logo

Riyaziyyatçı alimlərin məqaləsi nüfuzlu jurnalda nəşr olunub

14.09.2023 22:47 210 baxış
IMG

Elm və Təhsil Nazirliyinin Riyaziyyat və Mexanika İnstitutunun Funksiyalar nəzəriyyəsi şöbəsinin müdiri professor Vüqar İsmayılovun, həmin şöbənin elmi işçisi, r.ü.f.d. Aidə Əsgərovanın və Qeyri-harmonik analiz şöbəsinin böyük elmi işçisi, r.ü.f.d. Əli Hüseynlinin birgə məqaləsi nüfuzlu və dünyanın ən qədim jurnallarından biri olan “Proceedings of the Edinburgh Mathematical Society” jurnalında çap edilib.

İnstitutdan "Tehsil.biz"ə bildirilib ki, “Proceedings of the Edinburgh Mathematical Society” jurnalı Edinburq Riyaziyyat Cəmiyyətinin (1883-cü ildə yaradılıb) jurnalı olub, “Kembric Universiteti Nəşriyyatı” tərəfindən nəşr edilir.

İşdə kompakt metrik fəzada təyin olunmuş həqiqi qiymətli kəsilməz funksiyalar fəzasının iki qapalı altcəbrləri cəmi ilə ən yaxşı yaxınlaşma üçün Çebışev tipli alternans haqqında teorem isbat edilib.

Tutaq ki, X kompakt metrik fəzadır, C(X) X-da təyin olunmuş kəsilməz həqiqiqiymətli funksiyalar fəzasıdır, A_1, A_2 isə C(X)-ın sabit funksiyaları saxlayan iki qapalı altcəbrləridir. f∊C(X) funksiyasının A_1+A_2 altfəzasının elementləri vasitəsilə approksimasiya məsələsi araşdırılır.〖u_0∊A _1+A_2 funksiyasının f funksiyasının ən yaxşı yaxınlaşma elementi olması üçün Çebışev tip alternans teoremi isbat edilir.

Xəbər lenti