Azərbaycan-Fransız Universitetinin (UFAZ) tələbələri Fransa Milli Kosmik Tədqiqatlar Mərkəzinin “Air Zero G” təyyarəsi ilə uçuşlarda iştirak ediblər.
Bu barədə "Tehsil.biz"ə UFAZ-dan məlumat verilib.
Bildirilib ki, tələbələrdən Ömər Nuruzadə, Gülər İsmayılova, Sənan Çaharkamə, Araz Şəfiyev və Emin Xəlifəyev “Act In Space” Beynəlxalq kosmik hakatonun qalibləri kimi bu uçuşa vəsiqə qazanmışdılar.
Uçuşdan sonra tələbə Ömər Nuruzadə öz təəssüratlarını bölüşüb: ”Çox maraqlı idi. Keçirdiyim hissləri sözlə ifadə etmək çətindir. Çox həyəcanlı anlar idi. Mənim favoritim Ay qravitasiyasında uçuş idi”.
