Azərbaycan Dövlət Pedaqoji Universiteti (ADPU) və ABŞ-ın Corc Vaşinqton Universiteti arasındakı beynəlxalq ikili diplom magistr proqramının məzunu Şəms Səfərəliyeva “Erasmus Mundus” proqramı çərçivəsində “Ali təhsildə innovasiya və tədqiqat” sahəsində magistratura təhsili alacaq.

ADPU-dan "Tehsil.biz"ə bildirilib ki, 2 illik proqram müddətində Ş.Səfərəliyeva Avstriya, Finlandiya, Almaniya, Çin və Hindistanın ali təhsil sistemlərini tədqiq edəcək.

Universitetin “SABAH magistratura” proqramının “Təlim və tədrisin təşkili və metodikası” ixtisaslaşmasının məzunu Rasim Həsənzadə isə “Türkiye Bursları” çərçivəsində Türkiyənin Qazi Universitetində “Təhsil proqramları və tədris” ixtisasında tam təqaüdlə doktorantura səviyyəsinə qəbul olunub.