Bakı şəhəri 327 nömrəli tam orta məktəbdə şagirdlərlə görüş keçirilib.

Bu barədə "Tehsil.biz"ə Bakı Şəhəri üzrə Təhsil İdarəsindən (BŞTİ) məlumat verilib. Bildirilib ki, görüşdə IX-XI sinif şagirdləri iştirak ediblər.

Görüş zamanı Dövlət İmtahan Mərkəzinin Direktorlar Şurasının sədri Məleykə Abbaszadə şagirdlərə buraxılış imtahanları, ali və orta ixtisas təhsili müəssisələrinə qəbul barədə ətraflı məlumat verib, məktəblilərin suallarını cavablandırıb.

Suraxanı Rayon İcra Hakimiyyəti başçısı Əziz Əzizov buraxılış siniflərində təhsil alan şagirdlərlə görüşün xüsusi əhəmiyyətini vurğulayıb, növbəti imtahanlarda onlara uğurlar arzulayıb.

BŞTİ-nin Təhsilin Keyfiyyətinə nəzarət sektorunun müdiri Anar Mustafazadə məktəblərdə aparılan monitorinqlərin nəticələri, buraxılış imtahanlarının təhlilləri barədə danışıb.