Bakı Ali Neft Məktəbinin (BANM) Kimya mühəndisliyi ixtisasının V kurs tələbəsi Cavidan Əliyev ABŞ-nin iki universitetinin Doktorantura səviyyəsinə təqaüdlə qəbul olub.
Tehsil.biz xəbər verir ki, Cavidan Alabama ştatında yerləşən Auburn Universitetindən illik 80 min dollar, Pensilvaniya ştatında yerləşən Lehigh Universitetindən isə 82 min dollar dəyərində təqaüd qazanıb.
BANM tələbəsinin seçimi Lehigh Universitetidir. O, bu universitetin Kimya və Biomolekulyar mühəndislik ixtisasında doktorantura təhsili alacaq.
