Elm və Təhsil Nazirliyinin Mikrobiologiya İnstitutunun baş direktoru AMEA-nın müxbir üzvü Pənah Muradov, Zoologiya İnstitutunun baş direktoru aqrar elmlər üzrə fəlsəfə doktoru, dosent Ələddin Eyvazov və hər iki institutun nümayəndə heyəti Mübariz İbrahimov adına Biləsuvar Bağça-Məktəb-Lisey Kompleksində olub.

Zoologiya İnstitutundan "Tehsil.biz"ə bildirilib ki, Biləsuvar Bağça-Məktəb-Lisey Kompleksi ilə yaxından tanış olan nümayəndə heyəti ilə məktəbin kollektivi arasında görüş keçirilib və qarşılıqlı əlaqələrin qurulması barədə memorandum imzalanıb.

Sonda nümayəndə heyəti Milli Qəhrəman Mübariz İbrahimovun ev-muzeyini ziyarət edib.