Logo

On dörd dövlət orqanında mövcud olan 54 vakant vəzifə daxili müsahibəyə çıxarılıb

02.06.2023 19:50 265 baxış
IMG

On dörd dövlət orqanında mövcud olan 54 vakant vəzifə daxili müsahibəyə çıxarılıb. Elana çıxarılan vəzifələr üzrə qeydiyyatdan keçmiş 173 namizədlə 177 müsahibənin keçirilməsi planlaşdırılır. Daxili müsahibələr mayın 3-də elan edilib.

Dövlət İmtahan Mərkəzindən "Tehsil.biz"ə bildirilib ki, ən yüksək müsabiqə vəziyyəti Azərbaycan Respublikasının Vətəndaşlara Xidmət və Sosial İnnovasiyalar üzrə Dövlət Agentliyinin, İnsan resurslarının idarəedilməsi şöbəsi, Kadr məsələləri sektoru aparıcı məsləhətçi (1 vakant yer üzrə 25 namizəd), 5 saylı Bakı “ASAN xidməti” mərkəzi mərkəzi icra hakimiyyəti orqanı tabeliyində olan orqanın rəhbəri – direktor (1 vakant yer üzrə 15 namizəd) üzrə yaranıb.

Müsahibələrin 2023-cü il iyunun 7-dən iyulun 4-dək olan dövrdə keçirilməsi planlaşdırılır.

Müsahibədə iştirak üçün qeydiyyatdan keçmiş namizədlər müsahibə vaxtı və yeri haqqında daha ətraflı məlumatı DİM-in saytından əldə edə bilərlər.

Nəzərə almaq lazımdır ki, müsahibələrin təşkili və keçirilməsi üçün Dövlət İmtahan Mərkəzi və dövlət orqanları tərəfindən kifayət qədər vəsait və resurslar sərf olunur. Mərkəz namizədlərin diqqətinə çatdırır ki, onların müsahibədə iştirak etməmələri üzrlü hal kimi qəbul edilmir, namizədlərin məsuliyyətsizliyi kimi xarakterizə edilir və belə hallar Mərkəzin məlumat bazasında qeydiyyata alınır.

Namizəd müsahibə keçirilmə tarixindən bir gün əvvəl saat 16:00-dək müsahibələrin keçirilmə qrafikində şəxsi kabinetinin nömrəsini seçib açılan müraciət formasında “İMTİNA” düyməsini basmaqla müsahibədə iştirakdan imtina edə bilər.

Müsahibədə üzrlü səbəblərdən iştirak etməyən namizədlə həmin vakant vəzifə üzrə (elan edilmiş cari müsahibə üzrə) yeni müsahibənin təşkili yalnız müvafiq təsdiqedici sənəd nəzərə alınmaqla həyata keçirilə bilər.

Namizədlərdən müsahibənin başlanma vaxtından ən azı 30 dəqiqə əvvəl müsahibələrin keçiriləcəyi binaya yaxınlaşmaları xahiş olunur.

Xəbər lenti