Logo

"Kiçik Akademiya"ların hesabat konfransları keçirilib - FOTO

31.05.2023 11:06 202 baxış
IMG

Sabunçu və Binəqədi rayonlarının ümumi təhsil müəssisələri üzrə "Kiçik Akademiya"ların hesabat konfransları keçirilib.

Tehsil.biz xəbər verir ki, paytaxtdakı 307 nömrəli tam orta məktəb və 83 nömrəli məktəb-liseyin təşkilatçılığı ilə keçirilən konfranslarda Bakı Şəhəri üzrə Təhsil İdarəsinin (BŞTİ) müdir müavini Hüseyn Əsgərov, məktəb direktorları, “Kiçik Akademiya” rəhbərləri, müəllim və şagirdlər iştirak ediblər.

Konfranslar Dövlət Himninin səsləndirilməsi və Vətən uğrunda canlarını qurban vermiş şəhidlərin əziz xatirəsinin bir dəqiqəlik sükutla yad edilməsi ilə başlayıb.

BŞTİ-nin müdir müavini H.Əsgərov “Kiçik Akademiya”ların fəaliyyətinin gücləndirilməsinin və şagirdlərdə tədqiqat işinə marağın artırılmasının qarşıya qoyulan əsas hədəflərdən olduğunu bildirib, "Kiçik Akademiya"ların işinə uğurlar arzu edib.

Sabunçu və Binəqədi rayonlarının ümumi təhsil müəssisələri üzrə mərkəz "Kiçik Akademiya"nın rəhbərləri il ərzində “Kiçik Akademiya”nın gördüyü işlər, əldə edilən uğurlar və gələcək hədəflər haqqında məruzə ediblər. 

Konfranslarda şagirdlər humanitar, texniki, təbiət, fəlsəfə və digər məzmunlu elmi-tədqiqat işlərini təqdim ediblər. 

Sonda fərqlənən məktəblər Fəxri fərmanla təltif olunublar.

Xəbər lenti