Azərbaycan Dövlət Pedaqoji Universitetində (ADPU) Türkiyənin Bahçeşehir Universitetinin nümayəndə heyəti ilə görüş olub.

Bu barədə "Tehsil.biz"ə ADPU-dan məlumat verilib.

ADPU-nun rektoru professor Cəfər Cəfərov, beynəlxalq əlaqələr üzrə prorektor professor Mahirə Hüseynova, Bahçeşehir Universitetinin rektoru professor Şirin Karadeniz Oran və digər nümayəndələrin iştirak etdikləri görüşdə cəmiyyətin inkişafında təhsilin mühüm rolu vurğulanıb, universitetlər arasında əlaqələrin genişləndirilməsi ilə bağlı müzakirələr aparılıb.

Sonra rektorlar C.Cəfərov və Ş.K.Oran iki ali məktəb arasında əməkdaşlığa dair memorandum imzalayıblar.