Azərbaycan Dövlət İqtisad Universitetində (UNEC) Mərkəzi Bankla birgə “Maliyyəçisən" yay təcrübə proqramı ilə bağlı infosessiya keçirilib.

UNEC-dən "Tehsil.biz"ə bildirilib ki, tədbirdə təşkilatçılar təqaüdlü təcrübə proqramı haqqında məlumat veriblər. Tədbirdə işə hazırlıq bacarıqlarını inkişaf etdirmək və praktiki təcrübəni təmin etmək məqsədilə keçiriləcək "Maliyyəçisən" təcrübə proqramının faydalılığı, pul siyasəti və onun əməliyyat çərçivəsi, Mərkəzi Bankın elektron resurslarına dair ətraflı məlumat təqdim edilib.

İnfosessiya “Heydər Əliyev İli” nə həsr edilmiş silsilə tədbirlər çərçivəsində Mərkəzi Bank tərəfindən maliyyə savadlılığının artırılması məqsədilə keçirilir.