Türkiyənin İstanbul Universitetinin dosenti Taner Artan Azərbaycan Dövlət İqtisad Universitetinin (UNEC) İctimai idarəetmə və sosial innovasiyalar kafedrasının baş müəllimi Leyla Köçərli ilə birlikdə tələbələrə dual dərs keçib.
Bu barədə "Tehsil.biz"ə UNEC-dən bildirilib.
Qeyd olunub ki, İqtisadiyyat və idarəetmə fakültəsində sosial iş ixtisası üzrə təhsil alan tələbələrə sosial işdə idarəetmə fənni üzrə keçirilən dual dərsdə sosial xidmət sahəsində Türkiyə təcrübəsinin Azərbaycanda tətbiq imkanları müzakirə olunub.
