Yapon rəssamı Katsushika Hokusainin "Kanaqava sahillərində böyük dalğa" adlı əsərinin nadir nəşri 2,76 milyon dollara satılıb.
"Tehsil.biz"in NTV-yə istinadən məlumatına görə, ABŞ-ın Nyu-York şəhərində yerləşən Christie's hərrac evi tərəfindən hərraca çıxarılan parçanın ölçüsü 37 santimetrdir.
1830-cu illərin əvvəllərində hazırlanmış sənət əsəri rəssamın çap sistemindən istifadə edərək çoxlu sayda hazırladığı "Ukiyo-e" kimi də tanınan janra aiddir.
“Böyük dalğa” adlı əsər xalq mədəniyyətinin ən mühüm əsərlərindən biri kimi tanınır. Rəsmdə üç balıqçı qayığının dalğalarla mübarizə anı təsvir edilir.
