"2011-ci ildən heç bir universitet bir manat da olsa, maliyyə almayıb. Belə olan halda hansı elmdən söhbət gedə bilər?! Hamı reytinq, məqalə istəyir. Bəs bu nəyin hesabına olacaq? Yenə də alimlərin özünün fədakarlığı hesabına, yaxud da təhsildən əldə edilən vəsait hesabına olur".

Tehsil.biz xəbər verir ki, bunu Azərbaycan Dövlət Neft və Sənaye Universitetinin (ADNSU) rektoru Mustafa Babanlı Milli Məclisdə “Ali təhsil haqqında” qanun layihəsi ilə bağlı keçirilən ictimai dinləmədə çıxışı zamanı deyib..

Rektor bildirib ki, “Ali təhsil haqqında” qanun layihəsində elmi tədqiqatların maliyyələşməsi ilə bağlı müəyyən qüsurlar var:

"Yadıma gəlir ki, ADNSU “universitet layihəsi” adı altında çıxış etmişdi. Maliyyə yoxlamalarında mənə ən böyük qüsur tutdular ki, buna elmi layihələrin maliyyələşdirməsi adı qoya bilməzsiniz. Ona görə də bu məsələlərlə elə məqamlar nəzərdə tutulmalıdır ki, heç olmasa, universitet özü maliyyə ayıra bilsin”.