Azərbaycan Respublikası Təhsil İnstitutu və Quba-Xaçmaz Regional Təhsil İdarəsinin birgə təşkilatçılığı ilə Quba rayonunda Beynəlxalq Qiymətləndirmə Düşərgəsi baş tutub.

Tehsil.biz xəbər verir ki, düşərgənin təşkilində əsas məqsəd yay düşərgələrinə cəlb olunan müəllimlərin PISA, PIRLS, TIMSS, ICILS və TALIS yönümlü mətn və tapşırıqların hazırlanması istiqamətində qazandıqları bacarıqların real sinif mühitində tətbiqini dəyərləndirmək və onların qarşılaşdıqları əsas çətinlikləri müəyyən etməklə lazımi köməkliyin göstərilməsi olub.

Düşərgədə iştirakçılar hazırladıqları tapşırıqları təqdim ediblər. Təqdim olunan tapşırıqlar müzakirə edilərək qiymətləndirilib.