Ötən il dissertasiya şuralarında keçirilmiş dissertasiya müdafiələrinin sayı açıqlanıb.
Tehsil.biz xəbər verir ki, bu barədə Azərbaycan Respublikasının Prezidenti yanında Ali Attestasiya Komissiyasından bildirilib.
Məlumata görə, 2022-ci il ərzində ümumilikdə 749 disertasiya müdafiəsi olub. Onlardan 637-si fəlsəfə doktoru, 112-si isə elmlər doktoru üzrədir.
Ən çox müdafiə filologiya elmləri üzrə olub (158), sosiologiya elmi üzrə isə dissertasiya müdafiə edən olmayıb. Müdafiələrin 354-ü elmi müəssisələrdə, 395-i isə ali təhsil müəssisələrində keçirilib.
