Azərbaycan Dövlət Pedaqoji Universitetində (ADPU) yanvarın 5-dən tələbələrin qış imtahan sessiyasına start veriləcək.

ADPU-dan bildirilib ki, imtahan sessiyasının təşkili üçün bütün zəruri hazırlıq işləri görülür.

İmtahanlarda şəffaflığın və operativliyin təmin edilməsi üçün Apellyasiya Komissiyası və İmtahan Qərargahı fəaliyyət göstərəcək, İctimai Şuranın üzvləri və tələbə təşkilatlarının nümayəndələri imtahan prosesini izləyəcəklər.

Sessiya ərzində onlayn tələbə anketi aktiv olacaq.