Logo

Alimlər peyvəndin uşaqları “omikron” ştammı ilə ölümdən qoruyub saxlamadığını öyrəniblər

01.12.2022 23:15 96 baxış
IMG

Argentinanın Səhiyyə Nazirliyinin tədqiqatçıları  aşkar ediblər ki, COVID-19 peyvəndi virusun üstünlük təşkil edən variantından asılı olmayaraq uşaqları və yeniyetmələri ölümdən effektiv şəkildə qoruyur.

Tehsil.biz xəbər verir ki, tədqiqat "The BMJ" jurnalında dərc olunub.

Məlumata görə, tədqiqatçılar iki mRNT peyvəndinin (Moderna və Pfizer-BioNTech) və təsirsizləşdirilmiş Sinopharm peyvəndinin COVID-19 ilə əlaqəli infeksiyalara və ölümə qarşı effektivliyini qiymətləndiriblər. Onların tapıntıları Argentinadan olan 844,460 uşaq və yeniyetmənin (3-17 yaş) məlumatlarına əsaslanır.

Nəticələr göstərib ki, COVID-19 infeksiyasına qarşı peyvəndin təxmin edilən effektivliyi delta dövründə uşaqlarda 61 %, yeniyetmələrdə 67 %, omikron dövründə isə müvafiq olaraq 16 % və 26 % təşkil edib.

İnfeksiyadan qorunmanın effektivliyinin aşağı düşməsinə baxmayaraq, peyvəndlər hələ də uşaqları koronavirus səbəbindən ölümdən qoruyur. Hətta Omikron dövründə ölümdən qorunma uşaqlarda 67 %, yeniyetmələrdə isə 98 % olmuşdur.

mRNA və təsirsiz hala salınmış COVID-19 peyvəndlərinin uşaqlarda və yeniyetmələrdə şiddətli koronavirusun qarşısının alınmasında təsirli olduğu artıq məlum idi, lakin ölümdən qorunma ilə bağlı keyfiyyətli məlumatlar çatışmırdı.

Xəbər lenti