Azərbaycan Dövlət İqtisad Universitetinin (UNEC) Beynəlxalq əməkdaşlıq departamentinin təşkilatçılığı ilə İdrak və Atatürk liseylərinin yuxarı sinif şagirdləri üçün “Açıq qapı” günü keçirilib.

UNEC-dən "Tehsil.biz"ə bildirilib ki, “Açıq qapı” günündə məktəblilər UNEC-in şəhid məzun və tələbələrinin xatirəsinə ucaldılan Memorial-Xatirə Kompleksini ziyarət ediblər, 24/7 kitabxana, Ekstern Mərkəzi, “Bloomberg” laboratoriyası ilə tanış olublar.

İnfoturdan sonra şagirdlərə UNEC-dəki ixtisaslar, beynəlxalq proqramlar, UDİD, minor, xüsusi təqaüd imkanları, tələbələrin sosial həyatı barədə məlumat verilib.