Azərbaycan Dövlət Aqrar Universitetinin (ADAU) Mühəndislik, Aqronomluq və Aqrar İqtisadiyyat fakültələrində 8 noyabr - Zəfər Gününə həsr olunan bilik yarışları təşkil olunub.

Tehsil.biz xəbər verir ki, Yarışlarda fakültələrin müxtəlif ixtisaslardan olan tələbələri komandalara bölünərək I yer uğrunda mübarizə aparıblar. Sonda qaliblər mükafatlandırılıb.

Həmçinin Torpaqşünaslıq və aqrokimya və Mühəndislik fakültələrində 8 noyabr - Zəfər gününə həsr olunan tədbirlər keçirilib.

Tədbirlər Dövlət Himninin səslənməsi və torpaqlarımızın bütövlüyü uğrundan canlarından keçən şəhidlərin əziz xatirələrinin yad edilməsi ilə başlanıb.

Çıxış edənlər bildirib ki, qırx dörd gün davam edən və işğal altındakı ərazilərimizin azad olunması ilə nəticələnən Vətən müharibəsi tariximizin ən parlaq səhifəsidir. Azərbaycan xalqı bu haqq savaşında öz liderinin - Müzəffər Ali Baş Komandan İlham Əliyevin ətrafında sıx birləşməklə bütün dünyaya öz gücünü, mətinliyini, mübarizliyini nümayiş etdirib.

Sonra tədbirlər bədii hissə ilə davam etdirilib.