Bakı Dövlət Universitetinin (BDU) Tələbə Həmkarlar İttifaqı Komitəsinin təşkilatçılığı ilə “Brain Ring” intellektual oyununun ilk turu keçirilib.
Bu barədə "Tehsil.biz"ə BDU-dan məlumat verilib. Bildirilib ki, 16 komandanın iştirak etdiyi oyunda 5 komanda yarımfinala keçib. Turnirin keçirilməsində məqsəd gənclərin intellektual səviyyəsini və zehni inkişafını gücləndirməkdir.
Final oyununun qaliblərinə mükafat və sertifikatlar veriləcək. Birinci yerin qalibi 300, ikinci yerin qalibi 200, üçüncü yerin qalibi isə 100 manat mükafat qazanacaq.
