Ölkəmizdə son zamanlar havanın soyuq keçməsi məktəblərdə istilik təchizatlarının hansı durumda olmasını gündəmə gətirir.

Tehsil.biz xəbər verir ki, xüsusilə regionlarda təmirsiz, müasir istilik sistemləri ilə təmin edilməyən təhsil ocaqlarının olması istər-istəməz narahatlıq yaradan amillərdən biridir.

Bəs görəsən ölkə üzrə məktəblər istiliklə necə təmin edilir?

Bu suala cavab almaq üçün Elm və Təhsil Nazirliyinə müraciət etdik. Nazirlikdən "Tehsil.biz"in sorğusuna cavab olaraq bildirildi ki, ölkə ərazisində fəaliyyət göstərən ümumi təhsil müəssisələrinin müəyyən bir hissəsində istilik mərkəzləşdirilmiş qaydada, digər hissəsində isə müxtəlif vasitələr olan odun, dizel, elektrik radiatoru ilə təmin olunur.