Şuşa şəhərinin Azərbaycanın mədəniyyət paytaxtı kimi yeri və rolunun ümumdünya miqyasında nəzərdən keçirilməsi həm elmi-idraki, həm də təcrübi baxımdan əhəmiyyətə malikdir. Bunu nəzərə alaraq Azərbaycan Milli Elmlər Akademiyasının Tarix İnstitutu “Şuşa-270: dünya mədəniyyət mərkəzləri kontekstində” mövzusunda beynəlxalq elmi konfrans keçirəcək.
Bu barədə Tarix İnstitutundan məlumat verilib.
Bildirilib ki, konfrans dekabrın 5-6 tarixlərində baş tutacaq.
Konfransda bir neçə panel üzrə məruzələr dinlənilməsi və müzakirələr aparılması planlaşdırılır.