Azərbaycan Dövlət Aqrar Universitetinin rektoru İbrahim Həsən oğlu Cəfərov vəzifəsindən azad edilib.
"Tehsil.biz"in məlumatına görə, bununla bağlı sentyabrın 6-da Prezident İlham Əliyev Sərəncam imzalayıb.
İbrahim Cəfərov həmin vəzifəni 2013-cü ildən icra edib. O, bu təyinatadək ADAU-nun rektor əvəzi, tədris işləri üzrə prorektoru idi.
Sözügedən şəxs kənd təsərrüfatı elmləri doktoru, və AMEA-nın müxbir üzvüdür. Professor 3 dərslik, 1 dərs vəsaiti, 100-dən artıq elmi məqalə, 4 metodiki tövsiyə, fənn proqramları və metodik göstərişlərin müəllifidir.
