Logo

Azərbaycan Dövlət İqtisad Universitetində UDİD və Minor proqramlarına sənəd qəbulu aparılır

12.08.2022 18:15 306 baxış
IMG

Azərbaycan Dövlət İqtisad Universitetinin (UNEC) təqdim etdiyi Universitetdaxili İki Diplom (UDİD) və Minor əlavə təhsil proqramlarına sənəd qəbulu aparılır.

UNEC-dən bildirilib ki, UDİD proqramına qoşulmaq üçün tələbənin ayrı-ayrı fənlər üzrə ümumi orta müvəffəqiyyət göstəricisi (ÜOMG) 71-100 bal arası olmalıdır. Qeydiyyat maliyyə, mühasibat, beynəlxalq ticarət və logistika, biznesin idarə edilməsi, menecment, marketinq, iqtisadiyyat, statistika ixtisasları üzrə aparılır.

Minor proqramına qoşulmaq üçün isə ÜOMG minimum 65 bal olmalıdır.

Birinci və ikinci kursu bitirən tələbələr Minor proqramına UNEC-in bakalavr səviyyəsi üzrə bütün ixtisasları (23 ixtisas) üzrə qoşula bilər.

Sənəd qəbulu avqustun 15-dək davam edəcək.

Xəbər lenti