Logo

“Bərpaolunan hidrogen və yeni təchizat zəncirinin yaranması” mövzusunda vebinar təşkil olunacaq

12.08.2022 14:21 248 baxış
IMG

Təhsil İnstitutunun təşkilatçılığı ilə “Bərpaolunan hidrogen və yeni təchizat zəncirinin yaranması” mövzusunda vebinar təşkil olunacaq.

Bu barəd Təhsil İnstitutundan məlumat verilib. Bildirilib ki, vebinarda dekarbonizasiyanın əhəmiyyəti, bərpaolunan hidrogen və onun təchizat zəncirlərindəki rolundan danışılacaq. Spiker qismində Mərt Çolakoğlu çıxış edəcək. O, bakalavr təhsilini Türkiyənin Orta Şərq Texniki Universitetində, magistratura təhsilini İstanbul Texniki Universitetində alıb, daha sonra İstanbul Texniki Universitetində enerji elmləri və texnologiya ixtisası üzrə doktorantura təhsilini tamamlayıb. Mərt Çolakoğlu Türkiyə və Niderlandın müxtəlif şirkətlərində işləyib və bu sahədə 10 ildən çox təcrübəyə malikdir.

Vebinar təhsil işçiləri, iş dünyasının nümayəndələri və tələbələr üçün nəzərdə tutulub. İngilis dilində keçiriləcək tədbirdə iştirak üçün məhdud sayda yer mövcuddur. İştirak etmək istəyənlər avqustun 23-dək Təhsil İnstitutunun saytında qeydiyyatdan keçməlidirlər.

Xəbər lenti