Logo

London Muzeyi Britaniya tərəfindən oğurlanmış əşyaları Nigeriyaya qaytaracaq

08.08.2022 08:58 123 baxış
IMG

Londonda yerləşən Horniman Muzeyi 1897-ci ildə Benin şəhərində ingilis əsgərləri tərəfindən oğurlanmış 72 əşyanı Nigeriyaya qaytaracaq.

"Unikal" xəbər verir ki, bu barədə The Guardian məlumat dərc edib.

Muzeyin qəyyumlar şurasının üzvləri anonim səsvermə zamanı artefaktların Nigeriya hökumətinə qaytarılmasına səs veriblər.

Horniman Muzeyinin İdarə Heyətinin sədri Eve Salomon, "Bu obyektlərin zorakılıq yolu ilə əldə edildiyinə dair aydın sübutlar var və kənar məsləhətləşmələr zamanı biz onların Nigeriyanın mülkiyyətinə qaytarılmasının həm etik, həm də məqbul olacağı barədə fikirlərimizi təsdiqlədik" -deyib.

Bu, mədəni sərvətləri çıxarıldığı ölkəyə qaytaran ilk Britaniya hökumətinə məxsus muzeydir.

Bütün dünyada muzeylərdə və şəxsi kolleksiyalarda 1897-ci ildən əvvəl mövcud olmuş Benin Krallığından oğurlanmış 10 minə yaxın artefakt var (onun paytaxtı Nigeriyanın Edo əyalətində yerləşən Benin şəhəri idi). Xüsusilə Londondakı Britaniya Muzeyində 900 eksponat var.

Bundan əvvəl şahzadə Harrinin Böyük Britaniya hökumətini məhkəməyə verdiyi bildirilirdi .

Xəbər lenti