Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Azərbaycan-Fransız Universitetinin (UFAZ) bakalavr proqramlarına 2022/2023-cü tədris ili üçün tələbə qəbuluna start verilib.

UFAZ bakalavr pilləsində kompüter elmləri, kimya mühəndisliyi, geofizika mühəndisliyi, neft və qaz mühəndisliyi ixtisasları üzrə təhsil təklif edir.

Onlayn qeydiyyat üçün müraciətlər avqustun 1-dək davam edəcək.

Yalnız Dövlət İmtahan Mərkəzi tərəfindən təşkil olunmuş I ixtisas qrupu üzrə imtahanlarda mümkün 700 baldan azı 500 bal toplamış abituriyentlər UFAZ-a qəbul imtahanında iştirak edə bilərlər.

UFAZ-a qəbul imtahanı təhsil aldığı bölmədən asılı olaraq həm Azərbaycan, həm də rus dillərində aparılır.

Qəbul imtahanının nəticələrindən asılı olaraq tələbələrə 120 ödənişsiz və 40 ödənişli yer təklif olunur.