Azərbaycan Dövlət Neft və Sənaye Universitetinin (ADNSU) iki sinif otağı və mühazirə zalına türkiyəli şəhid professorların adları verilib.
Bu barədə ADNSU-nun Elmi Şurası qərar qəbul edib.
Qərara əsasən, iki sinif otağı və mühazirə zalına iyulun 15-də Türkiyədə dövlət çevrilişinə cəhd zamanı şəhid olan professor İlhan Varank və Erol Olçokun adları verilib.
Bundan başqa, ADNSU-da mərtəbələrdən biri “Azərbaycan-Türkiyə dostluq mərtəbəsi” olaraq müəyyən edilib, mərtəbənin bir dəhlizi isə qardaşlığa uyğun fotolarla bəzədilib.
Mərtəbənin açılışını Türkiyənin sənaye və texnologiya naziri Mustafa Varank edəcək.
