Azərbaycan Dövlət Neft və Sənaye Universitetinin (ADNSU) Azİİ e-Kitab Evində ümummilli lider, dahi şəxsiyyət Heydər Əliyevin anadan olmasının 99-cu ildönümünə həsr edilmiş “Dahi rəhbər Heydər Əliyev” adlı kitab sərgisi təşkil olunub.
ADNSU-dan bildirilib ki, 50-dən çox kitabın yer aldığı sərgidə müasir müstəqil Azərbaycan dövlətinin memarı və qurucusu Heydər Əliyevin fəaliyyəti dövründə respublikamızın ictimai-siyası, sosial, iqtisadi, elmi, mədəni həyatında, beynəlxalq əlaqələrində dönüşün necə yarandığını əks etdirən kitablar və digər nəşrlər yer alıb.
