Logo

Kimya fənni üzrə hazırlıq kursunun növbəti məşğələsi keçirilib

11.05.2022 18:33 91 baxış
IMG

Dövlət İmtahan Mərkəzində (DİM) kimya fənni üzrə qəbul imtahanlarında istifadə edilən qiymətləndirmə tapşırıqlarının hazırlanması, ekspertizası və yoxlanılmasına dair hazırlıq kursunun ilk mərhələsinin ikinci məşğələsi keçirilib.

Tehsil.biz xəbər verir ki, hazırlıq kursu DİM-in əsas inzibati binasında əyani formada, regiondan olan iştirakçılar üçün isə onlayn qaydada keçirilib.

Hazırlıq kursunda yalnız elektron qeydiyyatdan keçmiş, ixtisası müvafiq fənnə uyğun olan müəllimlər, metodistlər və pedaqoji profilli ali təhsil müəssisələrinin bakalavriat səviyyəsinin müvafiq fənn üzrə təhsil alan sonuncu kurs tələbələri və magistrlər iştirak ediblər.

Moderator Elşad Abdullayev ölkənin təhsil sistemində tətbiq edilən milli və beynəlxalq qiymətləndirmə formaları barədə təqdimatla çıxış edib. O, milli və beynəlxalq qiymətləndirmədə, həmçinin qəbul imtahanında istifadə edilən tapşırıq növləri barədə də məlumat verib.

Təqdimat ətrafında müzakirələr aparılıb. Kurs iştirakçılarını maraqlandıran suallar cavablandırılıb.

Hazırlıq kursunun üçüncü məşğələsi növbəti həftə keçiriləcək.

Xəbər lenti