Bu gün Azərbaycan Texniki Universitetinin (AzTU) məzunu, Vətən müharibəsi şəhidi Əliheydər Hüseynlinin doğum günüdür.

Tehsil.biz xəbər verir ki, Əliheydər Hüseynli 1994-cü il aprelin 14-də Ağstafa rayonunda anadan olub. Əliheydər Hüseynli 2011–2015-ci illərdə AzTU-da təhsil alıb.

O, 2015–2016-cı illərdə həqiqi hərbi xidmətdə olub. Əliheydər Hüseynli 2020-ci il sentyabrın 27-də başlanan Vətən müharibəsində Füzuli, Xocavənd, Cəbrayıl və Qubadlının azadlığı uğrunda gedən döyüşlərdə iştirak edib.

O, noyabrın 9-da Xocavənd uğrunda gedən döyüşlər zamanı şəhidlik zirvəsinə ucalıb.

Prezident İlham Əliyevin sərəncamlarına əsasən, Əliheydər Hüseynli ölümündən sonra "Vətən uğrunda","Döyüşdə fərqlənməyə görə" və "Xocavəndin azad olunmasına görə" medalları ilə təltif olunub.