Azərbaycan Texniki Universitetinin (AzTU) dosenti Cavid Səfərov Almaniyada ürək tutmasında vəfat edib.
Bu barədə "Tehsil.biz"ə universitetdən məlumat verilib.
Cavid Səfərov 1965-ci ildə Qazax rayonunda anadan olub.
1982-ci ildə AzTU-nun Mexanika fakültəsinin soyuducu-kompressor maşın və qurğuları ixtisasına daxil olub. 1989-cu ildə ali məktəbi fərqlənmə diplomu ilə bitirərək universitetdə tədqiqatçı-mühəndis kimi fəaliyyətə başlayıb.
Cavid Səfərov 1989-cu ildən AzTU-da pedagoji fəaliyyətə də başlayıb. O, həmçinin 2006-cı ildən Almaniyanın Rostock Universitetinin Texniki termodinamika kafedrasında pedagoji fəaliyyətini davam etdirib
Cavid Səfərov 450–dən artıq elmi məqalənin və konfrans çıxışlarının, 1 dərslik, 1 monoqrafiya və 4 dərs vəsaitinin müəllifidir.
Qeyd edək ki, Cavid Səfərov martın 30-da Qazax rayonunda dəfn olunacaq.
AzTU-nun rəhbərliyi və kollektivi Cavid Səfərovun vəfatından kədərlənir, ailəsinə və yaxınlarına başsağlığı verir.
Allah rəhmət eləsin!
