Azərbaycan Memarlıq və İnşaat Universiteti (AzMİU) ilə Dənizkənarı Bulvar İdarəsi arasında təhsil, elm və ixtisasartırma sahəsində əməkdaşlığa dair memorandum imzalanıb.

AzMİU-dan bildirilib ki, memorandum kadr hazırlığı səviyyəsinin yüksəldilməsi, müvafiq ixtisaslar üzrə praktiki bacarıqların inkişaf etdirilməsi, tələbələrin yaradıcılığının inkişafına dəstək verilməsi, birgə elmi tədqiqatların aparılması və innovativ layihələrin həyata keçirilməsinə yönəlib.

Qeyd edək ki, hazırda universitetin tələbələri Dənizkənarı Bulvar İdarəsində kurs işi üzərində qrup halında çalışırlar.